PAGKAKATIWALAG KAY KAPATID NA MARCO ERANO MANALO KWESTYUNABLE SA IBANG MGA KAPATID. TANONG BAKIT NGA BA ISINAMA?

Hayaan natin marinig ang opinyon ng mga kapatid! Totoo nakatawag ng pansin sa maraming nakapanood. Maaari ba nating rebyuhin mga kabaro ko at mga kapatid kong may simpatya sa mga kapatid natin na mga itiniwalag? Alam namin marami sa inyo ang namangha, nagulat, nagbulung-bulungan dahil hindi matanggap ang pagkakatiwalag ng kapatid na Cristina Villanueva Manalo, kapatid na Felix Nathaniel Villanueva Manalo, kapatid na Marco Eraño Villanueva Manalo, at kapatid na Lolita Manalo Hemedez ang pamilya ng kapatid na Eraño G. Manalo. Ngunit ipalagay na natin na tanggap ng kapatid na Cristina at kapatid na Angelo na sila ay matiwalag. Paanong ang kapatid na Marco Erano Manalo ay maisama sa hanay na itiniwalag gayung wala naman partisipasyon doon sa mismong video na yun?

Umugong ang pagtatanong! Bakit nga ba itiniwalag sila? Gayung humihingi lang naman ng saklolo. Paano magagawa nilang mapagbaha-bahagi ang Iglesia sa isang minuto at limamput-limang segundo na ang tanging hinihingi ay tulong? Bakit napakabilis at gayun na lang agad ang reaksyon ng mga tiwaling sanggunian na itiwalag ang Pamilya ng kapatid na Eraño G. Manalo? Sila Nanay Tenny nga ba ang lumikha ng pagkakabaha-bahagi o itong mga tiwaling sanggunian nang agad na magpasyang itiwalag ang mahal sa buhay ng  mismong Pamamahala  kaya’t  nag kanya-kanyang opinyon ang mga kapatid sa pangyayari? Totoo nga bang ang kapatid na Eduardo V. Manalo ang nagpasya o grupo lang ng Sanggunian na higit na naapektuhan dahil hinahanap sa kanila ang mga kapatid na ministrong nawawala, at responsable nilang sagutin ang mga katanungan na sa ibinabato ng media sa kanila? Kanino nga ba nanggagaling ang mga pagpapasyang pinanggagalingan ng totoong pagkakabaha-bahagi ng mga kapatid sa loob ng Iglesia?

Matapos lang kasi na maisahimpapawid sa Youtube  sa oras ng ika-labindalawa ng gabi ng araw ng huwebes ng July 23, 2015 agad-agad ding naisagawa ng araw ng huwebes din na yun, na sila ay  maihabol na maitiwalag sa mga natitira pang oras ng Pagsamba. Kaya naman July 24, 2015 araw ng Biyernes dahil sa pagbabagong takdang araw ng Pagsamba muli silang apat na ipinahayag na itinitiwalag, binasa sa kapulungan ng mga sumaSamba at idinagdag ang kapatid na Isaias Samson, Jr. na nagawang tumakas sa kontrol ng mga nagbabantay sa kanila. Dahil doon nagawa niyang magpa press conference magpa-interview at maisiwalat ang mga kasamaan pinaggagawa sa kanila ng mga tiwaling sanggunian.  Nakalimot sila na nakabantay na ang buong Iglesia sa kaganapan mula ng kanilang itiwalag ang kapatid na Cristina V. Manalo at ang kanyang mga anak. Dahil doon ay nag-ukol na ng panahon ang mga dating walang malay na mga kapatid kung ano nga ba talaga ang nangyayari? Dahil sa mapag-urirat at mapagsaliksik din ng karamihan ay natukoy na nila kung sino nga ba ang totoong may problema sa Iglesia. Kaya nga kung totoong nagmamalasakit sila sa kapakanan ng indibidwal na kakapatid maging sinuman, dapat namamayani ang pag-iibigang magkakapatid. Dapat matuwid ang mga pagpapasya nila. Dapat dumadaan sa tamang proseso sa pagtitiwalag na ang karaniwan ay sinaway muna kung sa unang pagkakataon lamang nagawa ito. Tila wala sa proseso at napakabilis talaga ng pagpapasya. Bakit nga ba ganun kabilis? Marami ang nagtatanong sa mga sumusubaybay ng blog na ito na ayaw na lang magpabanggit ng mga pangalan nila nasaan na nga ba ang mga nawawalang mga kapatid nating ministro? Totoo bang may malaki na tayong pagkakautang at may nakasalang pang uutangin? Ngunit dahil sa mga di masagot na tanong mismo ng mga tiwaling sanggunian at kung may mga sumasagot naman ay halatang sunud-sunuran lang din sila kung paano ipinahayag ng kapatid na Isaias Samson, Jr. kung ano ang idinidikta sa kaniya. Tila naroon ang takot ng mga nagpahayag na naging pabor sa sanggunian. Bakit hindi lumitaw ang kapatid na Glicerio B. Santos, Jr. sagutin ang tanong ng mga media bilang siya ang itinuturong pinaka responsable sa mga nagaganap.

Mga kapatid lalo tayong dumami at nadaragdagan pa ang bilang ng mga kapatid na pumapayag na makabahagi sa isasagawa nating malaking-malaki at sama-samang ipu- protesta ang katiwalian at kasamaan ng mga tiwaling lider na nasa sanggunian. At kunin sa kanila ang kapatid na Eduardo V. Manalo na tila kontrolado na napasusunod nila. Isang tanong na nabubuo. Ano ang ibinibigay ninyo ngayon kay kapatid na Eduardo V. Manalo para siya ay lumabas na masama? Tila may ikinakarga kayo sa kanyang katawan para siya ay walang lakas na loob na kontrahin ang anumang maibigan mo, kapatid na Glicerio. Ano ang hawak mong ebidensya na ginawa niyo para lumabas na kahiya-hiya ang aming Pamamahala na siyang maitim ninyong balak sa inyong pagbabalik para pabagsakin ang Pamilyang Manalo na kapwa hindi ninyo matanggap ng kapatid na Babylyn ng kayo ay dinisiplina ng mahal naming Tagapamahalang Pangkalahatan kapatid na Eraño G. Manalo noong siya ay nabubuhay pa!  Tila nagkasundo kayong dalawa para ang aming mahal na Pamamahala ay maging sunud-sunuran sa inyo tulad ng mga nagpahayag ng pabor sa inyo sa mga balita na pinagdidiinan na walang nangyayaring masama sa loob ng Iglesia. Tila kontrolado niyo sila kaya naroon ang takot nila. Pasensya na ito ang aking kasanayan basahin ang anyo ng tao kung anong mayron sa kanya habang nagpapahayag siya. Gitla-gitlang pawis at mga matang may pilit na itinatago ngunit hayag ang takot nila. Dahil ba ang pamilya nila ay hawak niyo sa mga oras na yun at kung hindi sila susunod ay may pambubulabog kayong gagawin muli, muli, muli sa kanila.  Paano hawak na ng mga mapagkakatiwalang ahensya sa buong mundo, nasa kanila na ang mga ebedensya na kayo ay nagmalabis nagsamantala, nagnakaw at puminsala ng buhay. Isa nalang ang nalalabi ninyong kaparaanang gagawin. ISUKO NA NINYO SA PANGINOONG DIYOS ANG INYONG SARILI AT IHAYAG NA NINYO ANG DAPAT NA MAHAYAG. DAHIL KUNG MAUUNA SILA AY LALONG HIGIT NA MALAKING KAHIHIYAN ANG DARATING SA INYO.  ILANG ORAS NA LANG ANG NALALABI. NAITAKDA NA ANG NAITAKDA! HINDI UURONG PAGKAT MAPAPAHAMAK ANG IGLESIA KAPAG UMATRAS PA TAYO. MAGKAKASAMA-SAMA TAYONG MAGKAKAISA PARA ALISIN SA LOOB NG CENTRAL ANG MGA TIWALING SANGGUNIAN. TULUNGAN MAKALAYA SA KANILANG PAGKONTROL ANG KAPATID NA EDUARDO AT ANG KANYANG MGA ANAK. IBIBIGAY ANG NARARAPAT NA HATOL AT PAGPAPASYA UPANG MAPANUMBALIK ANG LAHAT SA KAAYUSAN. AT MULING MAGING KATANGGAP-TANGGAP SA PANGINOONG DIYOS ANG ATING MGA HANDOG NA NGAYON AY NADUNGISAN DAHIL SA GINAGAMIT NA NILA SA KANILANG MGA PANSARILING KAPAKINABANGAN. MGA KAPATID IPANALANGIN NINYO ANG NALALAPIT NA ARAW NG PANGINOONG DIYOS PARA SA PAGTUTUWID AT PAGSASAAYOS NG LAHAT NG BAGAY  ITO AY SA PAMAMAGITAN PA RIN NG IGLESIA NI CRISTO.

Kaya nga ang pinaka-matunog na katanungan ng marami bakit ang kapatid na Marco Erano Manalo, na wala naman kinalaman sa lumabas na video sa youtube na ipinahayag ay nakasamang itiniwalag?. Totoo bang pasya ng kapatid na Eduardo V. Manalo o ng mga maiinit lang na tiwaling sanggunian? Rebyuhin nga po natin at panooring mainam. Alam natin na dalawang katauhan lang ang nagpahayag, at ang kapatid na Lotty ay nabanggit lang ng Nanay Tenny. Samantalang ang kapatid na Marco Erano Manalo ay wala man lang siyang personal appearance doon kaya dahil dito bumangon ang isang malaking katanungan kung bakit, bakit, bakit nadamay na wala namang partisipasyon sa video na ginamit na basehan ng pagpapahayag. TANONG DAPAT BA SIYANG ITINIWALAG?

July 24, 2015 .. 6:45 ng gabi ang kapatid na Arnel Tumanan ang nangasiwa sa Pagsamba sa Templo Central. Halos malapit lang ako sa kanya kung saan tanaw ko, kitang-kita at damang-dama ang bigat na kanyang dinadala.  Nang matapos ang Pagsamba lalapitan sana namin ang Kapatid na Arnel lamang ang kapatid na Radel Cortez ang Executive Secretary ng Iglesia ang nakita namin na napaliligiran siya ng sangkaterbang nagbabantay sa kanya sa loob ng Templo. Nasa loob na ng Templo tila aligaga kayong kumilos. Sino nga ba ang kinatatakutan ninyo at nag hire kayong sangkaterba ni kapatid na Glicerio ng mga security  ninyo? Hindi niya alam si Hinirang ay tinuro siya at patay malisya na parang nag-inat lang ng kamay na nagkakatawanan lang ang lahat waring ipinakita sa mga kapatid na siya ay abot kamay lamang sakaling siya ay tapikin sa balikat.

Mga kapatid ano ang inyong pananaw? Ano ang inyong opinion? Tama bang itiniwalag ang kapatid na Cristina Villanueva Manalo, kapatid na Felix Nathaniel Villanueva Manalo, kapatid na Marco Eraño Villanueva Manalo, at kapatid na Lolita Manalo Hemedez ang pamilya ng kapatid na Eraño G. Manalo? Ang kapatid na Eduardo V. Manalo nga ba ang tuwirang nagpasya? Kung ano ang inyong opinyon ay igagalang namin gaya ng paggalang namin sa mga bumangong katanungan mula sa maraming tumatangkilik ng Blog na ito.  Maraming salamat sa inyong lahat!

IGAYAK NG LAHAT ANG INYONG SARILI … MAY NAKATAKDANG MALAKING OKASYON NA MAGAGANAP. PITONG PALAKPAK NA MALALAKAS ANG SENYALES NA BIBITIWAN NAMIN, HUDYAT NA KANILA NG KATAPUSAN SA PAMIMINSALA SA BANAL NA KATAWAN NG ATING MAHAL NA PANGINOONG JESUCRISTO. IBABALIK NA NATIN ANG KABANALAN AT KAAYUSAN NG LAHAT.